MORFÍs réttur kom saman að kvöldi 15. janúars sl. til að fjalla um kæru Fjölbrautaskólans í Breiðholti á hendur aðalfundar MORFÍs og taka ákvörðun um hvort vísa beri kærunni frá eða dómtaka, sbr. b-lið 5. gr. 8. kafla laga MORFÍs. Dómurinn komst að þeirri niðurstöðu að ekki væri grundvöllur fyrir frávísun og því skuli kæran dómtekin. Jafnframt er réttinum skylt að úrskurða um eigið hæfi til að tryggja hlutlausa meðferð málsins. Samkvæmt meginreglu íslensks félagaréttar situr stjórnin í  umboði aðalfundar, en aðalfundur er hinn ákærði málsaðili.  Ef fulltrúar framkvæmdastjórnar víkja ekki úr sæti ætti þannig umbjóðandi málsaðila sæti í réttinum. Rétturinn taldi þannig víst að fulltrúar framkvæmdastjórnar MORFÍs, sem sæti eiga í honum, séu óhæfir þar til setu við efnismeðferð málsins. Í stað þeirra munu tveir hlutlausir oddadómarar skipaðir í réttinn.

Stjórn MORFÍs, varar jafnframt við þeirri þróun að kalla MORFÍs rétt saman við hvert tækifæri sem ágreiningur kemur upp. Gæta verður þess að stefna keppninni ekki í hættu, því auðséð er að ef aðalfundur verði dæmdur ógildur muni allar keppnir ársins teljast ólögmætar þar sem stjórnin sem hafði umsjón með drættinum hafði ekki til þess umboð. Boða verði til annars aðalfundar og draga á ný í fyrstu umferð. Ætla má að ekki yrði hægt að halda keppnina á þessu skólaári. Stjórn MORFÍs brýnir fyrir hlutaðeigandi aðilum að hugsa til þeirra fjölmörgu keppenda og stuðningsmanna sem leggja metnað í keppnina og vonast til þess að fá að taka þátt í henni áfram á þessu ári, án þess að erjur vegna meintra og óstaðfestra mistaka á milli fárra en ákafra aðila skemmi þar fyrir.

Kæru FB ásamt úrskurði réttar MORFÍs má finna á þessari vefsíðu undir Skjöl og Dómar.