Nú er fyrstu tveimur keppnum starfsársins lokið og bar MS sigurorð af FÁ, meðan Borgó sigruðu FVA. Á döfinni eru nokkrar keppnir og byrja herlegheitin á viðureign Hraðbrautar og MK. Keppnin fer fram klukkan 20:00 í MK, þann 9. nóvember og mæla MKingar með umræðuefninu „fíkn er sjúkdómur“. Á eftir þeim mætir Tækniskólinn FG og fer sú keppni fram þann 12. nóvember, að öllum líkindum í húsakynnum Tækniskólans, en frekari upplýsingar hafa ekki borist MORFÍsstjórn.

Síðar í mánuðnum mætast MA og FB á Akureyri og Versló mætir ME í Reykjavík. Eru báðar keppnirnar skráðar 20. nóvember.

Liðin sem enn eiga eftir að tilkynna um keppnisdag, FSN-MH og Kvennó-Flensborg, þurfa að gera það sem fyrst, því keppnisgluggi lokar 30. nóvember fyrir þá skóla.

Að lokum er brýnt fyrir skólum að kynna sér nýjar reglur um að dómurum beri að fylla út reikniskjal fyrir dómblöðin. Þá er mikilvægt að fyllt sé inn í alla reiti sem merktir eru með feitletrun og hornklofun, það tekur enga stund fyrir dómara, en er öllu meiri mál fyrir stjórn MORFÍs að fylla inn eftir á. Auk þess skal bent á að dómblöð í keppnum eru eign stjórnar og er umsjón þeirra í höndum fulltrúa stjórnar á keppnum. Það þýðir að þjálfurum, liðsmönnum eða öðrum tengdum liðunum er ekki heimilt að taka dómblöðin, en það gerðist í báðum keppnum sem liðnar eru.

Að venju hvetjum við alla til að mæta á komandi MORFÍskeppnir, því ræðulist er hin besta skemmtun.



Arnþór Axelsson
Formaður MORFÍs
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. - 8644992